C.V.المواطن السوري

لـ CV الاسم : مواطن
العمر : عمري وشيل منّو 5 سنين
السكن : هنيك بس هلأ نازح لـ هون
الوضع العائلي : أعزب أكيد , يعني بشرفك عم تسألني ؟!
الخبرة : نفدت من 4 هاون .. و 3 قناصات
وشايف تفجيرين .. أكلت منهن بس شظية صغيرة
رشيق جداً بالاختباء من الاشتباكات
بتحمل عيش بلا كهربا من 14 ساعة لـ 72 .. برياحة
أخوك بيقلب (صبّار) إن صار المناخ صحراوي
وبيقلب (بطريق) إن صار قطب شمالي
يعني بزمناتي بلا مازوت ولا حطب ضليت عايش بالعاصفة !!
المولدة ؟!
شيلا لإني ما عندي حقها
كمان أنا جكارة بـ تجار المولدات ما بشتريها ..
هيك لك أخي .. تنح !!
كمان بتحمل عجقة السير من 30 دقيقة إلى اللانهاية !!
وإن زتيتني بـ بحر .. بسبح
زتيتني بـ بر .. بمشي
بـ جبال .. بتسلق
بـ وديان .. بتزحلق
وبعدين أنا فيني بـ ضيعة .. عيش
وفيني بـ لاس فيغاس .. عيش
ما بتهمني الأسعار بنوب
رح قلك كيف ..
بس عطيني ورقة تانية .. خلصت ورقة الـ CV…..

اترك رد

لن يتم نشر عنوان بريدك الإلكتروني.