ياسوري ..شوية كلمات لازم تسمعها… بقلم – نها شعبان

عزيزي  السوري المترف!!!!
اللي عايش بغير دنيا ومو هامك مين بموت ومين بعيش قبل ما تكب الخبز  عندك بالبيت   لانه ولادك ما بياكلوا خبز بايت تذكر!!!! انه في ناس  بسوريه محاصرين مو لاقيه كسرة خبز تطعمي ولادها    قبل ما تشتري شيبس وكولا  وشوكولا وشو بعرفني من هالاكلات الطيبه اللي ابنك بيبكي اذا ما جبتله ياها وبيتقطع قلبك عليه … تذكر !!! انه في اطفال  رضع بسوريه  عم تموت لانه مافي حليب   قبل ما تنيم ولادك بالسرير وتغطيهم بحرامات سميكه لانه الجو صار بارد  ومنشان ما يمرضوا,  وارتفعت حرارته شوي اليوم  من كتر مو مخبص بالاكل , وهالشي اقلقك !!! تذكر!!!! انه في اطفال بسوريه  وبالمخيمات داخل سوريه عم تموت من البرد تذكر بس !!! انه هدول دفعوا ثمن التجويع والتشرد والقتل والتدمير منشان بس ؟؟؟؟ يجيبوا لك ابسط حقوقك من الحريه والكرامه  اللي كانت منزوعه عنك وين ما رحت  فكر فيها !!!!!
اذا كنت تعتقد أن المقال يحوي معلومات خاطئة أو لديك تفاصيل إضافية أرسل تصحيحًا

اترك رد

لن يتم نشر عنوان بريدك الإلكتروني.