ناس في الماساة وناس في الملهاة..نهى شعبان

ناس س غرقانه بالنعيم … وناس غرقانه من البرد والمطر والجوع
وكل سنه عم تمر عاللاجئين السوريين اللي بالخيم عم تكون اصعب من اللي قبلها وهي اجت الشتوويه واجى البر د والتلج
شح الدعم .. وقسيت النفوس .. واغلب الناس زهقت وملت … وكرهنا وتنكرنا لبعضنا عم يزيد.. وقسوتنا ع بعض عم تزيد .. والحراميه عم تزيد … والله عيب علينا نعمل ببعض هيك وهدول اللي ضلوا ثابتين على قرارهم ورفضوا يطلعوا من الداخل وضلوا عايشين بالخيم الممزقه ,كل يوم عن يوم معاناتهم عم تزيد وما حدا حاسس بحدا .
وهالشباب اللي مرابطين عالجبهات ليحموا ارضكم وعرضكم وتركوا اهلهن ومالهن وعيالهم و انتوا نازلين فيهم سلخ اكتر من النظام .. اتقوا الله
اللهم الا باخر النهار بعضكم بيكتب له كم كلمه عصفحته انه متذكرهم وحاسس فيهم وما عم ياكل ولا يشرب الا وبغص لهم ..
طيب وبعدين معكم ياامرتاحين؟؟ وبعدين معكم ؟؟ اي شي بسيط ممكن يساعدهم وما رح ينقص من مالكم شي ولا من رفاهية بعضكم .. وحاجه هالعواطف المشلُخه اللي نازلين فيها وكلها كذب ومراآه
على فكره هنا احرار اكتر منكم وشجعان اكتر منكم ومو طالبين منكم شي غير تمدوا لهم يد المساعده , وصنائع المعروف لا تضيع ,نحنا شعب مالنا غير بعض كل العالم تكالب علينا مو ضروري نحنا نتكالب على بعض .. ترى اذا دعوا عليكم دعوتهم مستجابه هه ولو بعد حين .. اتقوا الله واعملوا شي
حسبي الله ونعم الوكيل .. يارب فرجك يارب

اترك رد

لن يتم نشر عنوان بريدك الإلكتروني.