ما عاجبك النصر ؟؟؟ فيك تخرس

بقلم : ديانا الجابري :_

ما عاجبك النصر وعمتتأفف ورايات سود ولحى كثيفة وبلد رايحة عالمجهول .. أوكي طيب تفضل شكل فصيل مقاتل وحط راية حمرا وفيها مطرقة ومنجل أو موف وفيها فراشة !!!!
ما فيك !!!
طيب استنى لنخلص من الأسد وتبدا مرحلة الصراع السياسي ولما بيسرقوا القرار وبتصير الأمور بايديهم .. تفضل ساعتها قوم بثورة على مقاسك ضدهم وخليها سلمية هادئة أو مسلحة معقمة على كيفك لحتى توصل لنظامك المنشود !!!!
كمان ما فيك !!!!
طيب اتركهم يعملوا الثورة ويقاتلوا ويحرروا ويخلصوك من الأسد وان استلموا ما رح يكونوا أسوأ من الأسد (و ماخلق أسوأ منه) اللي صبرت عليه أربعين سنة !!!!
كمان ما زابطة معك !!!!
طيب بدك تبقى مع الأسد.. كمان لأ، عندك شي حل غير الحكي والشكي والبكي .. كمان لأ، طيب إنت الواعي والعميق والكل سطحيين فيك تعلمنا شو نعمل .. كمان لأ ، طيب حدا قلك إنه الثورة قامت لتحل عقدك ومشاكلك النفسية، حدا قلك هي مستشفى أمراض مستعصية !!!
يا عمي الثورة قامت لتحل مشكلة 23 مليون بني آدم، فيك تتركها وتسكت !!!!
فيك تخرس !!!!

اترك رد

لن يتم نشر عنوان بريدك الإلكتروني.