فشه خلق -نهى شعبان

كل الصفحات الفيسبوكيه والمحطات الفضائيه والمريخيه والنظاميه نازله شتم وذم باهل عين الفيجه لانهم هددوا بقطع المي عن مدينة دمشق .. يعني هنا خايفيين على اهل المدينه اللي معظم سكانها هلق من عائلات الشبيحه والتجار المنتفعين، اللهم الا من رحم ربي، يموتوا من العطش ؟؟؟
بس مئات الآلاف من النازحين اللي هربوا للوادي بعد أن دمرت كل ممتلكاتهم وأغلبهم من حمص , ومحافظات أخرى ,ومحاصرين من قبل النظام وشبيحته واللجان الشعبيه والخونه والعواينيه لأكتر من 6 شهور ، وممنوع يدخل لعندهم كيس طحين، أو ابسط أنواع المواد الغذائيه، هدول معليش يموتوا ؟؟؟ ما شفنا ولا محطه فضائيه ولا هيئه اغاثيه ولا صليب احمر ولا اخضر ولا ائتلاف ولا مجلس وطني او عسكري حكى عن معاناتهم او قدم لهم اي مساعده ..لك حتى بان كيمون ما اعلن امتعاضه ولا استنكاره عن اللي عم يصير بالوادي .. والثوار اللي الهم اكتر من 3 شهور عم يناموا بالجرد ليحموا الاهالي المدنيين وعايشين على ابسط مقومات الحياة وعم يجازفوا بارواحهم لحتى يحموا حدودكم وارضكم واعراضكم ,ويأمنوا المدنيين .. هدول شوووو؟؟؟ ما الهم أهل يعني …
النظام هو اللي بلش قصف بالنبع بعد ان رفض اهل عين الفيجه عقد مصالحه مع النظام وشبيحته تركيعهم ومنع الموظفين والفنيين من الدخول للنبع واصلاح العطل لحتى يشوه صوره اهل العين ويقلب الراي العام ضدهم .. هو اللي عم يعتقل النساء والشباب من على الحواجز هو اللي دخل اللجان الشعبيه بين المدنيين وصار ت العواينيه والجواسيس موجوده بكل حاره وعم يخبروا عن المجاهدين ..
لهيك كان لا بد من قلب الطاوله على راسه وراس شبيحته وتهدديه بقطع المي عن المدينه اذا لم يفرج عن المعتقلات .. ويسمح بدخول الاغذيه ,ويوقف القصف عليهم
اللي ماكان فاهم القصه بتمنى هلق يكون فهمها ..
اطلعوا من هالنفق الضيق بقى ، وحاج تنظير وتخوين من اللي قاعدين برا وجوا وقاعدين ورا شاشاتهم وكل ما سمعوا كلمه، ببلشوا تنزيل بوستات وفتح الباب للسب والشتم ولتخوين. والله عيب

اترك رد

لن يتم نشر عنوان بريدك الإلكتروني.