زكاتك …بدي هاجر دلني أي بلد بتدفع أكتر …

 

 بقلم : شام دام

حدثنا عيسى بن هشام السوري فقال
يتصلون بي  من سورية ومن تركيا للسؤال عن اللجوء وكيفيتها واقرب طريق وفين تنصحنا نروح المانيا ولا السويد..؟؟

بس السويد بيعطو مصاري اكتر آل المانيا سريعة بالجنسية بس سمعت هولاندا بيعطو بيوت فيلات للعيلة وفيها مسبح والله قريب بنت خالتي  بالدنمارك من اول سنة اخدت جنسية ..

بتعرف شو رأيك اطلع لسويسرا آل طالبن السوريين طلب مرغوب كتير فيون بس آل المانيا لازم الواحد يدرس ..اي انا مابدي زهقان الدراسة بدي جمع عملة لانو آل ابن جيرانا طلع بببلجيكا بيعطوه “الف يورو” وشاري سيارة وعم يبعت لأهلو بس أهلو مو محتاجين.. بس بدي اسالك بيعطوني بيت مرتب ومعاش انا ومرتي هون؟؟

سالتو ليش تزوجت حبيب؟؟

آل لا والله هي بسوريا جاية لتركيا بعد اسبوع هربانه من اهلها بتحبني بتعرف لإنو اهلها شيعة وما بيعطو سنة بتعرف انت صرلك زمان بأوروبا  يعني متل الأجانب صرت، بتعرف كل شي بشان هيك عم اسالك كاني عم اسال واحد أوربي، ونفسي اجي لنفس البلد الي انت فيها منصير كل كم يوم مناخد تكسي انا ومرتي ومنجي منسهر عندك …منسليكون …من ريحة البلد ..

صحيح شو نوع البيوت الي بيعطوها عندكون مع اني يشهد الله بلدي بتسوى كل بلاد العالم كنت عايش مروق كل يوم بسهر الليل وبنام بالنهار بدي تلاقي وتنصحني بأي بلد بيعطو معاشات قوية

وفجاة كان عم يتصنت على حديثنا واحد أوروبي  دخل على الخط وقلي غيدي بظنارك فيني أطلب لجوء أنا باي دولة ؟؟

مابهم لك الاغراءت فظيعة والله ماكنا عارفين هيك عنا.. لك نيالكون
طبعا محتوى النص حقيقي والله تجميع من الي عم يسألوني بس اخر سطرين تاليف من القهر لإنو لو بيغرق بالبحر والله في فائدة للسمك اكتر مايصل لاوروبا.. لا شو والانكى بدو بلد مايكون فيها سوريين كتير آل مل منهون وبجعوا الراس هههههههههههه

اذا كنت تعتقد أن المقال يحوي معلومات خاطئة أو لديك تفاصيل إضافية أرسل تصحيحًا

اترك رد

لن يتم نشر عنوان بريدك الإلكتروني.