ان غاب اصله شوف فعله

ان غاب اصله شوف فعله
ايام العزوبية كنت انا المسؤول عن الطبخ …عزام عن شراء الخضار والفواكه و منذر عن الجلي و تنظيف المطبخ
نتيجة الكسل كنا نعمل الطبخة حجمها كبير نوعا فمثلا نعمل طنجرة مسقعة الباتنجان باللحمة بعد يومين تنقص نضيف عليها بندورة تصير مسقعة البانتجان بالبندورة تغير شكل بعد كم يوم نضيف عليها كوسا و بطاطا تصير لحمة وخضرة بالفرن بعد يومين تنقص نزيد عليها فاصوليا بعد يومين تنقص نقلب عليها برغل
كنا نقعد بعد عشر ايام نتحزر ياترى هالطبخة اليوم شو كان اساسها اول ما طبخناها وغالبا ما كنا نوصل الى راي موعد نحن الثلاثه لانه ضاع تاريخ الطبخة
الله على هديك الايام
قصة الطبخة بتذكرني بقصه سوريه …ايه قصه سوريه يلي بقول لك سوريا ليست اسلامية انها مسيحية بيطلع واحد بيقول لا سوريه ارامية لا يهودية لا وثنية فينيقية لا ابراهيمية …. وما بنصل لنتيجة
طيب يا اخونا هلق يلي قدامك بالصحن شو هو اوصف ما تأكل …لا ما بصير
طيب شو الحل نرجع الى عصر ابونا ادم ؟؟
ياترى وقتها راح نصير فعلا اوادم ؟؟؟؟

اذا كنت تعتقد أن المقال يحوي معلومات خاطئة أو لديك تفاصيل إضافية أرسل تصحيحًا

اترك رد

لن يتم نشر عنوان بريدك الإلكتروني.